|
Музейны комплекс "Дукорскі маёнтак" запрашае на анімацыйную экскурсію "Вясёлая масленіца".
Масленіца сімвалізуе ўрачыстыя праводзіны зімы, дзеля таго, каб хутчэй надыйшла вясна! Прапануем разам з беларускімі фальклорнымі героямі адчуць атмасферу свята і далучыцца да старадаўніх народных традыцый! На гэтай экскурсіі Вас чакаюць рэканструкцыя гістарычных падзей, узноўленыя прадметы побыту, касцюмы мінулых эпох, жывыя старажытныя рамёствы, жывая старадаўняя музыка і шмат іншага. І ўсё гэта зусім недалёка ад Мінску!
|
Кошт экскурсіі ўключае:
• Праезд аўтобусам туркласа
• Экскурсійнае суправаджэнне па маршруце
• Уваходныя квіткі ў "Дукорскі маёнтак"
• Гульні, скокі і бадзёры настрой:)
• Блінцы з гарбатай
• Абед
| |
| | |
|
| ПРАГРАМА
| У XVI стагоддзі Дукорская сядзіба ўваходзіла ў склад уладанняў князёў Сапегаў, затым належала роду Завішы, Агінскім. На кіраванне Францішка Ашторпа і яго сына Леона (1786-1851г.г.) прыйшоўся росквіт сядзібы, а потым — запусценне і заняпад. Сёння новыя ўладальнікі сядзібы ўдыхнулі ў сядзібу новае жыццё. Тут пабудаваны сучасны этнакультурны комплекс "ДУКОРСКІ МАЁНТАК", які прадстаўляе сабой шырокую тэрыторыю, дзе кожны знойдзе занятак па душы. Стваральнікі комплексу кажуць, што галоўны прынцып усіх праграм — "ажывіць" сухія гістарычныя звесткі на вачах у гледача, прымусіць старыя касцюмы, танцы, шляхецкае ўзбраенне, і навыкі мінулых эпох паўстаць не словамі з вуснаў экскурсавода, а жывым дзеяннем у выкананні арт-групы і майстроў комплексу.
На тэрыторыі паркавага комплексу ёсць адзіны ў Беларусі ДОМ-ПЕРАВЕРТЫШ — дом, які стаіць на галаве. О, там варта пабываць і выпрабаваць на крэпасць свой вестыбюлярны апарат! Ёсць таксама вінакурня — дукорскі бровар з дэгустацыяй традыцыйнага алкаголю, шматлікія МАЙСТЭРНІ. А яшчэ тут ёсць МУЗЕЙ, які ўвабраў у сябе экспазіцыі, якія адсылаюць да старажытнай гісторыі мястэчка і ўладальнікаў сядзібы мінулых гадоў.
З 1 па 17 сакавіка музейны комплекс "Дукорскі маёнтак" шчыра запрашае на АНІМАЦЫЙНУЮ ЭКСКУРСІЮ "Вясёлая масленіца". МАСЛЕНІЦА — свята, калі зіма адступае, а вясна павінна ўступіць ва ўладаранне. Дзеля надыходу вясны нашыя продкі рыхтавалі пудзіла, каталіся на санях, пяклі бліны, хадзілі адзін да аднога ў госці, пелі песні, танчылі, палілі пудзіла. Адчуць атмасферу свята і захаваць сапраўдныя традыцыі дапамогуць беларускія фальклорныя героі.
Вас чакае:
• Сустрэча: батлейка з жывой музыкай і спевамі ад дукорскіх скамарохаў;
• Падрыхтоўка да масленіцы з Хатнікам;
• Майстар-клас па стварэнню лялькі Марэны;
• Танцы, гульні, ў суправажэнні жывой музыкі;
• Спальванне лялькі
• Рухомыя забавы на свежым паветры;
• Катанне ў санях (пры адсутнасці дастатковай колькасці снегу — на брычцы);
• Наведванне рамесных майстэрняў — майстэрні саломапляцення, кузні, майстэрні васковых свечак, ганчарнай майстэрні;
• Масленічны пачастунак (блінцы з гарбатай, дэгустацыя мясцовага напою).
Пасля асноўнай Масленічнай праграмы наведванне:
• Перакулены дом;
• Сярэднявечнае гарадзішча;
• Брама і стайня;
• Заасад і 400-гадовы дуб;
• Выстава рэтра-аўтамабіляў.
Напрыканцы экскурсіі — СМАЧНЫ АБЕД.
| |
| |
Кошт экскурсіі, бел. руб.:
|
Кошт экскурсіі для 1 чал.
|
119,00
|
109,00
|
| |
| |
Працягласць экскурсіі: 100 км, 6 гадз
Месца пачатку экскурсіі: 9.00, Мінск, пр. Незалежнасці 31-А, дом-музей РСДРП (пл. Перамогі)
Месца заканчэння: Мінск, пр. Незалежнасці 31-А, дом-музей РСДРП (пл. Перамогі)
| |
|
|
